စစ်တွေ၊ ဇွန် ၂၃-၂၀၁၉
ခိုင်လင်းစံ (VOM)
ရခိုင်ပြည်နယ် အစိုးရအဖွဲ့ရုံးစိုက်ရာ စစ်တွေမြို့အနီးမှာ ဆိုက်ကပ်ရပ်နားထားတဲ့ တပ်မတော်ပိုင် တွဲဆွဲရေယာဉ်တစ်စီးဟာ မနေ့ ဇွန်လ ၂၂ ရက်က တိုက်ခိုက်ပစ်ခတ်ခံလိုက်ရပါတယ်။
အဲ့ဒီရေယာဉ်ကို ရခိုင်လက်နက်ကိုင်အဖွဲ့ AA ဘက်က ပစ်ခတ်ခဲ့တာဖြစ်ပြီး တိုက်ခိုက်ရေး လုပ်ငန်းစဉ်တွေအတွက် ရိက္ခာနဲ့ လက်နက်ခဲယမ်းတွေကို သယ်ယူပို့ဆောင်နေတဲ့ ရေယာဉ်ဖြစ်တာကြောင့် အခုလို ပစ်ခတ်ခဲ့ရတာလို့ AA ဘက်က ပြောပါတယ်။
“ရေတပ်က ရေယာဉ်တစ်စီးကို ကျနော်တို့ဘက်က တိုက်ခိုက်ပစ်ခတ်ခဲ့တယ်ဆိုတာ ဟုတ်ပါတယ်။ အဲ့ဒီရေယာဉ်ဟာ ကျနော်တို့နဲ့ တိုက်ပွဲတွေဖြစ်ပွားနေတဲ့အချိန်မှာ တပ်မတော်ဘက်က ရိက္ခာနဲ့ လက်နက်ခဲယမ်းတွေကို သယ်ဆောင်ပေးနေတဲ့ယာဉ်ဖြစ်လို့ ပစ်ခတ်ခဲ့တာ ဖြစ်ပါတယ်။”လို့ AA အဖွဲ့ရဲ့ ပြောခွင့်ရသူ ဦးခိုင်သုခက ပြောပါတယ်။
တပ်မတော်ရဲ့ ရေတပ်သင်္ဘောတစ်စီး အခုလိုတိုက်ခိုက်ခံလိုက်ရပေမယ့် တပ်မတော်ဘက်ကတော့ ပြန်လည်ပစ်ခတ်ခဲ့ခြင်းမရှိကြောင်းနဲ့ အဲ့ဒီပစ်ခတ်မှုမှာ ဆတ်ရိုးကျဖက်ကနေ ဝါယာရှော့တိုက်တဲ့စနစ်ကိုသုံးပြီး ဒုံးကျည်နဲ့ ပစ်ခတ်ခဲ့တာဖြစ်တယ်လို့ တပ်မတော်ဘက်က ပြောပါတယ်။
“ကျနော်တို့ ရေယာဉ်တစ်စီးဖြစ်တဲ့ တွဲဆွဲရေယာဉ်ကို တိုက်ခိုက်ခဲ့တာဟာ RPG အမျိုးအစား ရှော့တိုက်ဒုံးနဲ့ ပစ်ခတ်ခဲ့တာ ဖြစ်ပါတယ်။ ကျနော်တို့ဘက်က တစ်ချက်မှပြန်မပစ်ခဲ့ပါဘူး။”လို့ အနောက်ပိုင်းတိုင်း စစ်ဌာနချုပ် ဗိုလ်မှူးကြီး ဝင်းဇော်ဦးက ပြောပါတယ်။
အဲ့ဒီပစ်ခတ်မှုဖြစ်ပွားခဲ့တဲ့နေရာ အနီးမှာရှိတဲ့ ကျေးတောရွာက နေအိမ်တစ်ဆောင်ကို ရေတပ်ကပစ်ခတ်လိုက်တဲ့ ကျည်တစ်လုံးကျရောက်ခဲ့တယ်ဆိုတာ မဟုတ်ဘဲ ပစ်ခတ်မှုကြောင့် အစအနတစ်ခု စင်ကျလာခဲ့ခြင်းသာဖြစ်ပြီး အိမ်ခေါင်မိုးအနည်းငယ် ပေါက်ပြဲသွားခဲ့ကြောင်း နေအိမ်ပိုင်ရှင်က ဒီနေ့ မနက်ပိုင်းမှာ ပြောဆိုလိုက်ပါတယ်။
လက်ရှိမှာတော့ အဲ့ဒီနေရာအနီးတဝိုက်မှာရပ်နားထားတဲ့ တပ်မတော်ရေယာဉ်တွေကို မနေ့ညနေပိုင်းကစလို့ စစ်တွေမြို့အရှေ့ဘက် ဘင်္ဂလားပင်လယ်အော်အနီးမှာရှိတဲ့ အနာက်ဖရုံကာကျွန်းအနီးကို ပြောင်းရွှေ့သွားခဲ့တာ ဖြစ်ပါတယ်။
#voiceofmyanmar # ရိက္ခာနဲ့ လက်နက်ခဲယမ်းတွေကို သယ်ယူနေတဲ့ယာဉ်ကို တိုက်ခိုက်ခဲ့တာလို့ AA ပြော # ရခိုင်#စစ်တွေ
